Quintino Melis (voce)

>>Vai alla scheda del protagonista<<

Registrazione di Marco Lutzu (22 novembre 2006)

>>Ascolto non disponibile<<

Donigala terra mia risposta
Chi deo una domanda l’apu fatu
Su mali in dogni logu faghet sosta
In su paese o in su bellu satu
Onorada ca fit sa terra nosta
Ma oe esistit s’omine ingratu
Prima furiat sa terrra onorada
Ora ses sa terra disfamada

Oe sa terra disfamada ses
Su chi oe sa zente ti racontat
Prima furiast unu bellu paese
Ma como malvagidade nd’affrontas
De bella pius nudda e chi contas
Chi d’as tocadu su numeru tres
Tochende su numeru tres e su dus
Onestade non nd’esistit prus

Donigala torras comente prima
Non torres a cumenzare cosa noa
Pro su paese tou daghe istima
Chi de su tempu ses torrende a coa
Rajona a mente frima
Non toches ne coas e ne alas
E lassa perde sas ideas malas

Sas ideas malas pone a parte
Ponedì sa manu in sa cuscienzia
Non ses mica su deus Marte
Chi tenet in su mundu sa potenzia
Como pare passadu pro arte
A bivere solu de prepotenza
Usa sa mente e usa sa memoria
Si no passas a sa bruta istoria

Se no passas a s’istoria bruta
Cust’iscritu non est cancellàbile
Rispeta pro sempre sa bona cundota
No sias de memoria miseràbile
Istuda po sempre sa candela alluta
E rendidì onesta de istàbile
S’onestade est sa pius cosa bona
Sa cosa mala pro sempre abandona

Donigala torra bella e tranquillu
Su malu oe ses in pensamentu
Ma torra tranquillu e cuntentu
Dona cuntentesa a babu e fillu
Su malu chi sparisca che su bentu
Custu est de mie unu consillu
Su consillu meu tue arrispeta
De como in susu s’arruina sa scupeta

Torrende a Donigala s’omine seriu
De no conoscher ne guerra e ne lota
Torrende dogni cristianu a critèriu
Comente mede zente l’at connota
Devet sparire ogni adultèriu
Ma sa zente chi nasce innoe est trota
Mi ca sa pedozza de dognunu est cara
E a fagher a bonu Donigala impara