Quintino Melis (voce)

>>Vai alla scheda del protagonista<<

Registrazione di Marco Lutzu (22 novembre 2006)

>>Ascolto non disponibile<<

A Donigala est torradu s’assasinu
Insambenende su nostru terrinu
S’assassinu fiat bene nascostu
Insambenadu at su terrinu nostru
E mortu at un’atera persona
Cua cua est andadu in cussa zona
Po cumpletare is òperas suas
In cussa zona est andadu cua cua
S’òpera sua bene at cumpletadu
Cua cua in cussa zona est andadu
Comente faghet su mergianu areste
Andadu cua cua in cussa zona est
Comente faghet s’areste mergianu
Chi girat de inoghe e de incuddane
Su bersagliu sou chi lu mirat
E de incuddane a inoghe girat
Senza de intèndere peruna boghe
Girat de incuddane a inoghe
Senza peruna boghe de intendere
Su nemigu lu tenet aspetende
S’ora est arrivada de su castigu
Aspetende furiat su nemigu
De su castigu est arrivada s’ora
Prima de rientrare a sa sua dimora
A s’idea mala tenet istima
De nou est torrada a Donigala
Istima tenet a s’idea mala
E preparada fit bene sa trobea
Istima teniat sa sua idea
Donigala est torrau a nou
Dopo chi cumpridu at su dovere sou
No at pensadu ca teniat fizus e muzere
Dopo chi cumpridu at su sou dovere
Tranquillu de su logu s’est fuidu
Dopo chi at su dovere cumpridu
S’est fuidu de su logu tranquillu
No at pensadu ca tenet muzzere e fillu
E ses fuidu tranquillu de su logu
Armadu de iscupeta bruvura e fogu
E Donigala torrende a sa paura
Armade de iscupeta fogu e bruvura
Torrende sa paura de sa vendeta
Armadu de fogu bruvura e iscupeta
E sa segundu vendeta est torradu
Non pensat ca esistit su modu
E cambiamentu at fatu custa zente
A bochire un òmine in su satu
Sa zente cambiamentu at fatu
In su satu un òmine a bochire
Su motivu non si podet ischire
Po bochire su ziu e su nepode
Ischire su motivu no si podet
Pro bochire su nepode e a issu
Un òmini bonu chi nudda at cummissu
E su malu non tenet perdonu
Nudda at cummissu cust’òmini bonu
Ma cusu puru at fatu fini mala
Non est giustu chi est sucèdiu a Donigala
Fini mala at fatu pro custu
Chi est sucediu innoe non est giustu
Bisonzu de ponnere su rimèdiu
Non est giustu chi custu est sucèdiu
A ponnere su rimèdiu nc’est bisonzu
Unu l’at mortu in primavera e unu in atonzu
De ponner rimèdiu faghes manera
Unu l’at mortu in atonzu e unu in primavera
De ponnere su rimèdiu e manera faghes
Ca in dogni domo torret allegria e paghe
Non a fàghere sa chi pensas como
A daghere allegria e torrende a domo
Non fages como su chi pensas
Ca s’onestade de nou cumenzas
E riposa tranquillu babu e frade
De nou chi cumenzas s’onestade
Tranquillidade pius nde gosas
Babo e frade tranquillu riposas
Tranquillidade gosas de pius
Lass’istare s’ingannu cun s’abusu
Arrispeta su minore e su mannu
Lass’istare s’abusu e s’ingannu
Arrispeta su mannu e su minore
Arrispeta contadinu e pastore
Non torres pius a fagher s’assassinu
Arrispeta pastore e contadinu
S’ingannu e s’abusu lass’istare
Chi a lontanu s’odiu passat
…