Gruppo vocale "La Corale" di Siurgus Donigala

>>Vai alla scheda dei protagonisti<<

Tratto dal CD “La Corale”, 2004

Testo: Marco Perra
Musica: Felice Cassinelli
Solista: Roberta Cassinelli

>>Ascolto non disponibile<<

Ruia s’alzat sa luna
E tremulante a su mare
Trasporto s’umbra de custu camminu
Innue s’incontrat mesta sa solitudine

Happ’a esser’ erva imbrunida in su coro
De cussa terra cand’happ’a torrare
Happ’a esser cantu chi portad’attesu
In mesu a rios chi non an tentu mare

S’alzat ruja sa luna
Tremulante in su mare
E su velu distendet de sa sera
In sas tancas de brunos, aranzos e d’oro

Innue s’incontrana sonnos de pizzinnia
E totu su passadu ido passare
E custu cantu mi portad’attesu
In mesu a rios chi, non an tentu mare

Fozzas de chessa e chercos a padente
Sentore de armuttu e de olidones
Brunzos a bardia in sas coronas
Ogos de abile, iscuda de silvones

S’innalzat sa fatiga millenaria
A muru a muru chi parene ischinas
Cosidas a una a una a perda a perda
In d’onzi altura fin a Gennargentu

In fundu subra s’ispigu e su mare
Appo isu su confine a su connottu
E populos benide a bardanare
Sonande corras in sa caminera

E canes orulande addae, addae
Appo idu ferros de disamistade
E profugos ramingos a ischiera
In sa funtana rapinosa istade

Andimironnai andirannora andira andimironnai andirannora andira andimironnai
Andimironnai andirannora andira andimironnai andirannora andira andimironnai

Ruia s’alzat sa luna
E tremulante a su mare
Trasporto s’umbra de custu camminu
Innue s’incontrat mesta sa solitudine

Happ’a esser’ erva imbrunida in su coro
De cussa terra cand’happ’a torrare
Happ’a esser cantu chi portad’attesu
In mesu a rios chi non an tentu mare

Andimironnai andirannora andira andimironnai andirannora andira
Andimironnai andirannora andira andimironnai andirannora andira
Andimironnai andirannora andira andimironnai andirannora andira
Andimironnai andirannora andira andimironnai andirannora andira
Andimironnai andirannora andira